Rag hubeysan oo ka tirsan Xarakada Mujaahidiinta Al-Shabaab ayaa gudaha magaalada Boosaaso ee xarunta Gobolka Bari ku toogtay sarkaal ka tirsanaa maamulka Puntland, iyadoona sarkaalku uu si xun ugu dhaawacmay weerarkaasi.
Ilo wareedyo ayaa sheegaya in sarkaalkan oo magaciisa lagu soo gaabiyay Axmed Nuskiilo uu liito dhaawiciisa isla markaana hadda lagu dabiibayo mid ka mid ah goobaha caafimaad ee magaalada Boosaaso.
Ragga toogashada geystay ayaa si nabad-galyo leh uga tagay goobta, waxaana markii hore sarkaalka loo maleynayay inuu dhintay, sababo ku aaddan dhaawiciisa oo aad u cuslaa.
Weerarkani wuxuu imaanayaa xilli ay sii kordhayaan dhaq dhaqaaqyada Mujaahidiinta ee duleedka magaalada Boosaaso tan iyo markii ay si buuxda ula wareegeen deegaanka Af-Urur oo ilaa hadda gacanta ugu jira Ciidamada Xarakada Al-Shabaab.
Qabsashada deegaanka Af-Urur ayaa laga yaabaa iney u gogol xaarto isballaarin hor leh oo ay Al-Shabaab ka sameeyaan deegaanada Bariga Soomaaliya, sida ay sheegayaan falanqeeyeyaal xagga Milatariga.
About The Author
