Ciidamada Police-ka dalka Kenya ayaa shaaciyey in ciidamadooda ka howlgala xad-beenaadka ay gaadiid ahaan u isticmaali doonaan Geella, kuna roondeyn doonaan inta lagu gudajiro howlgalada lagu sugayo amniga si looga gaashaanto weerarada qaraxyada ee Al-Shabaab.
Dufcadda ugu horeysa Geella loo tababarayo howshan ayaa ku xareysan saldhig ku yaalla Isiyeeloow, waxayna ka kooban yihiin ilaa 50 neef oo geel ah sida uu sheegay Wargeyska Standard oo markii ugu horeysay xaqiijiyey aritan.
Wargeyska ayaa baahiyey Sawirada ciidamo ka tirsan police-ka dowladda saliibiyada ah ee Kenya oo dusha ka saaran geella, kuna roondeynaya intii lagu gudajiray tababar lagu siinayey xerada Isiyeeloow.
Ilo wareedyo ayaa wargeyska u sheegay in aragtidan ay timid ka dib markii maaro loo waayey weerarada qaraxyada ee ay Mujaahidiintu ku beegsadaan ciidamada Police-ka ee ku roondeeyaa xad-beenaadka u dhexeeya Kenya iyo Soomaaliya.
Wargeysku wuxuu sheegay in ciidamada intooda badan la beegsado marka ay ku socdaalayaan wadooyinka qarda-jeexa ah, xilligaas oo gaadiidkoodu uu yahay mid u nugul weerarada qaraxyada ee kaga imaanaya Mujaahidiinta Al-Shabaab.
Halkaan Ka Dhageyso Warbixinta Oo Dhameystiran.
About The Author
