Wararka ka imaanaya magaalada Jig jiga oo ka mid ah dhulka Somali Galbeed ee ay xooga ku heysatO dowlada Xabashida Itoobiya ayaa sheegaya in wali gudaha magaaladaasi ay ka socdaan dhibaatooyinka iyo xasuuqa ay geysanayaan ciidamada Itoobiya ee dhawaan lagu soo daabulay gudaha magaaladaasi
Maydad tobanaan ah ayaa laga helay qaybo badan oo ka mid ah xaafada magaaladaasi, kuwaas oo qaarkood la sheegay in ay madaxyada ka go’naayeen.
Dadka Soomaalida ah ee ku dhaqan Jigjiga ayaa bilaabay in ay iska cararaan magaalada si ay uga baxsadaan gumaadka Xabashidu halkaas ka gaysanayso
Balse saraakiisha Milatariga Itoobiya ee xoogga ku haysta magaaladaasi ay amar ku siiyay dadka Somalida ah e ineysan ka bixi Karin magaaladaasi, iyadoona dhanka kale dadka aan Somalida ahayn kaliya loo ogolaanayo in ay magaalada ka baxaan.
Arintaan ayaa lagu tilmaamay mid markale dowlada Xabashida Itoobiya ay ku dooneyso in ku xasuuqda shacabka ku dhaqan magaalada Jigjiga, xilli ay sii kordhayaan tirada maydadka dadka Soomaalida ah ee laga hellayo magaalada kuwaas oo ay dileen ciidamada Itoobiya
Inta ilaa hada la xaqiijiyay tiro ka badan 50 qofood oo maydad ah ayaa ilaa hada laga helay gudaha Magaalada Jigjiga, waxaa la sheegayaa in dad badan weli la la’yahay.
Arintaan ayaa ka dambaysay kadib markii ciidamada Itoobiya ay magaalada xoog kaga qabsadeen maamulkii Cabdi Ileey ee iyagu Soomaali-Galbeed u magacaabeen kadib khilaaf xooggan oo soo kala dhexgalay Cabdi Ileey iyo Abey Axmad
Dhanka kale maleeshiyaatka Liyuu Boolis ayaa dhaawacay gudoomiye ku xigeen maamulka Ridada ee degmada Tog-wajaale Sidoo kalane ahaa Maareeyaha maamulka ee degmada, kaas oo lagu magacaabo Axmed Khadar Cabdi. waxaana wararku ay sheegayaan in dhaawiciisa culus yahay islamarkaana maleeshiyaatka Liyuu Boolisku ay rasaasta madaxa kaga dhufteen.
Maleeshiyaatka Murtadiinta ah ee dhaawacay sarkaalkaas murtadka ah ayaa doonayay iney booobaan oo ay xoog ku qaataan gaadiid uu lahaa maamulkii Murtad Cabdi Ileey balse gudoomiye ku xigeenka ayaa isku dayay inuu ka hor istaaga ugu dambeyntiiina isaga ay goobta ku dhaawaceen.
Maleeshiyaatka Ashahaado la diriirka Liyuu Booliska ayaa tan iyo markii maalmo ka hor dowlada Xabashida Itoobiya xilkii madaxweyna nimada ka tuurtay Murtad Cabdi Ileey waxey iyaguna dhankooda bilaabeen ineybililiqaystaan oo ay la baxsadaan gaadiidka iyo agabyo kale oo uu lahaa maamulka Ina Ileey.
Maleeshiyaatka Liyuu Boolis ayaa ahaa maleeshiyaat si gaar ah u hoostegi jiray Maamulka Cabdi Ileey, waxaana tan iyo markii ciidamada Itoobiya ee laga soo diray Adis abab ay qabsadeen Jigjiga, Cabdi Ileeyna ay xabsiga u taxaabeen ay maleeshiyaatkaasi bilaabeen in ay kala yaacaan, isla markaana ay horey usii qaataan wax walba oo uu maamulkaasi lahaa oo ay arkaan.
Xaalada dhulka Soomaali-Galbeed ayaa marba marka kasii dambaysa waxaa ay tahay mid kasii daraysa, waxaana cabsiga ugu weyn ee hada ka taagan dhulkaasi ay tahay in ciidamada Itoobiya ay halkaas ka gaystaan gumaad ka dhan ah dadka Soomaalida oo horeyna ula ildarnaa sanado badan oo uu xasuuq ku yahay maamulka Cabdi Ileey ee xabashida u adeegayay balse markii dambe ay isku dheceen.
About The Author
