Ciidamo aad u hubeysan oo katirsan Xarakada Mujaahidiinta Al Shabaab ayaa markale weerar xooggan ku qaaday mid kamida saldhigyada ciidamada dowladda Federaalka ee gobolka Sh/dhexe.
Ugu yaraan 2 Askari oo katirsan ciidamada dowlada Federaalka Soomaaliya ayaa lagu dilay tira kalane waa dhaawacmeen kadib weerar xooggan oo ka dhacay deegaan u dhaxeeya degmooyinka Mahadaay iyo Jowhar.
Wararka ka imaanaya duleedka degmada Jowhar ayaa sheegaya in ciidamo katirsan Xarakada Al Shabaab ay weerar culus ku qaadeen Buundada deegaanka Sabuun halkaasi oo ay ku sugnaayeen maleeshiyaad hubeysan oo katirsan maamulka isku magacaabay Hirshabelle.
Goob Joogayaal ayaa sheegay in 2 askari lagu dilay weerarka tira kalane ay dhaawacyo kasoo gaareen, wararka ayaa intaasi ku daraya in ciidamada Al Shabaab ay si buuxda ula wareegeen Buundada Sabuun iyo saldhiggii ay ku sugnaayeen ciidanka DF-ka.
Saraakiil u hadashay Xarakada Al Shabaab ayaa iyana xaqiijiyay in ay weerar khasaara dhaliyay ku qaadeen deegaanka Sabuun halkaasi oo ay ka Eryeen ciidamadii DF-ka sida ay baahisay warbaahinta alshabaab.
Buunada Sabuun ayaa udhaxaysa degmooyinka Jowhar iyo Mahadaay waxaana dhowr mar ka dhacay weeraro ay xoogaga Al Shabaab ku dileen maleeshiyaad katirsan dowladda Federaalka oo isbaarooyin u dhigta gaadiidka dadweynaha.
About The Author
