Ciidamo ka tirsan Xarakada Mujaahidinta Al-Shabaab ayaa xalay weerar culus ku qaaday saldhig Milatari oo Ciidamada DF iyo kuwa shisheeyuhu ku leeyihiin deegaanka Ambareesa ee duleedka degmada Baraawe, gobolka Sh/Hoose.
Weerarka oo ku billowday madaafiic, ayaa soconayay muddo, waxaana u suuragashay Ciidamada Al-Shabaab iney gudaha u galaan difaacyada hore ee saldhigga la weeraray.
Lama oga ilaa hadda khasaaraha ka dhashay dagaalka, balse waxaa la rumeysan yahay in dagaalku uu khasaarooyin geystay.
Ciidamada DF iyo kuwa AMISOM ayaa difaacyo waaweyn ku leh deegaanka Ambareesa oo dhaca duleedka degmada Baraawe halkaas oo ay ka difaacaan magaalada Baraawe.
Dhowr mar oo hore ayaa sidan oo kale loogu weeraray Ciidamada huwanta ah goobaha ay ku sugan yihiin, waxaana weerarkaan uu ka mid noqonayaa howlgallada ciidamada Xarakada Al-Shabaab ee ka dhanka ah cadowga qabsaday deegaano ka mid ah Wilaayaadka Soomaaliya.
About The Author
