Wararka ka imaanayo wadanka Afghanistan ayaa sheegaya in iska hor imaad xoogan uu maanta ka dhacay gudaha dhismaha taliska Amniga xukuumada Ridada Afghanistan ee gobolka Zabul, kadib markii Mujaahid Maxbuus ahaa uu qori ka fara marooqsaday Askari Murtad ah, halkaasna uu ku dilay tiro askar ah.
War kooban oo lagusoo qoray Boga ay Imaarada Islaamiga ah internetka ku leedahay ayaa lagu sheegay in iska hor imaadku uu ka bilowday qeybta danbi barista ee dhismaha Taliska Amniga Xukuumada oo ku yaala degmada Shahr Safa oo gobolka Zabul ka tirsan.
Mujaahidka ayay imaaradu sheegtay in Sideed maalin ka hor ciidanka Xukuumada Ridada ay kasoo qabteen magaalada Qandahaar, balse maalintii shalay ayaa loosoo gudbiyey gobolka Zabul, si halkaas baaritaan loogu sameeyo.
Warar hordhac ah oo la helayo ayaa sheegaya in walaalka Mujaahidka ah oo qoriga la qabsaday Askari ilaalo u ahaa taliyihii danbi barista degmada, halkaasna uu ku dilay taliyaha, askarigii la socday, sarkaal ka tirsan ciidanka Police-ka iyo Lix katirsan ciidanka Sirdoonka oo goobta ku sugnaa.
Warbaahinta gudaha wadanka Afghanistan ayaa sheegeysa in iska hor imaadka ilaa hadda uu ka socdo dhismaha taliska Amniga xukuumada Afghanistan ee degmada Shahr Safa oo ka tirsan gobolka Zabul oo dhaca Konfurta dalkaasi.
Ciidanka Sirdoonka iyo kuwa police-ka oo iskaashanaya ayaa isku gadaamay dhismaha taliska Amniga, iyagoo ka baqdin qaba In Mujaahidku uu goobta ka baxsado, halka qaar kamid ah saraakiishana ay sheegayaan inay suurta gal tahay in gudaha dhismaha uu ku heysto maxaabiis ka tirsan ciidanka xukuumada oo aysan suurta gal ahayn in si sahal ah loogu galo.
About The Author
