Ciidamada Mujaahidiinta Imaarada Islaamiga Afghanistan ayaa dagaal culus ku qaaday saldhig weyn oo maleeshiyaatka Xukuumadda Kaabul ay ka sameysteen Wilaayada Samnajaan oo dhacda Waqooy Galbeed ee dalkaasi.
Saldhiga ciidamada Mujaahidiinta Dhaalibaan dagaalka culus ku qaadeen waxa uu ku yaalaa degmada Darha Sowf waana mid ka mid ah Saldhigyada ugu waaweyn ee maamulka Murtad Ashraf Gani ka sameystay Wilaayada Samnajaan.
Ciidamada Mujaahidiinta Imaarada Islaamiga Afghanistan ayaa gabi ahaan cagta mariyay saldhiga waxeyna dagaalkaasi ku dileen inka badan Soddon isugu jirta Saraakiil iyo askar ka tirsan Xukuumadda daba dhilifka Kaabul waxaana saraakiisha lagu dilay ka mid ah taliyihii Booliska ee saldhiga degmadaasi iyo sidoo kale madaxii Amniga ee degmadaasi.
Sidoo kale ciidamada Mujaahidiinta ayaa dagaalkan ku qaniimeystay Toban gaari oo Labo ka mid ay tahay kuwa Gaashaaman waxeyna sidoo kale gacanta ku dhigeen Bakhaarkii Hubka ee saldhigaasi.
Dagaalkan ayaa kusoo aadaya xilli saacadihii lasoo dhaafay ciidamada Mujaahdiiinta Imaarada Islaamiga Afghanistan dagaal culus kula wareegeen magaalada Shal-gar oo ah magaalo Istiraatiiji ah oo dhacda Bartamaha dalka Afghanistan.
About The Author
