Diyaaradaha isbaheysiga carbeed ee uu hogaamiyo maamulka Aala-sucuud ayaa duqeyn ku beegsaday dad shacab ah, taas oo dhalisay dhimashada iyo dhawaca tobanaan ruux.
Sida ay sheegayaan warbixino laga helayo wadanka Yaman oo laga soo xiganayo dad gudaha jooga, diyaaradaha Isbaheysiga ayaa duqeeyay warshad lagu sajaleeyo dalagyada kasoo baxa dalka Yaman, taas oo ku taalla meel u dhow magaalada Al-xudeyda.
Duqeynta waxay ka dhacday deegaan lagu magacaabo Beytul-faqiih, waxaana ku dhintay ugu yaraan 19 ruux oo u badnaa shaqaalaha warshadda, halka ay dhaawacmeen 12 kale.
Afhayeen u hadlay isbaheysiga uu hogaamiyo maamulka Aala-sucuud ayaa qiray iney soo gaareen warbixinno sheegaya in dad shacab ah ay dhinteen, islamarkaana billaabayaan baaritaanno lagu ogaanyo xaqiiqda jirta.
Marar badan, diyaaradaha Taxaalufka ayaa si indha la’aan ah u beegsaday dad shacab ah taas oo keentay dhimashada tobanaan ruux, waxaana reer Yaman ay laa daaladhacayaan dhibaatada labo saddex geesoodka ah ee uga imaaneysa Taxaalufka, Maraykanka iyo malleeshiyaadka Xuuthiyiinta.
About The Author
