Magaalada Islaam-Abaad ee caasimadda wadanka Paakistaan waxaa ka dhacay banaanbax ballaaran oo ay dhigayeen dad muslimiin ah oo ka careysan go’aan kasoo baxay maxkamadda guud ee wadankaas.
Dadka ayaa ku guuleystay iney xiraan wadooyinka waaweyn ee dhexmara magaalada caasimadda ah, waxayna kasoo horjeedaan go’aan kasoo baxy maxkamadda wadanka Paakistaan, kaas oo lagu sii daayay haweeney kirishtan ah oo sanadkii 2010-ka aflgaadeysay Nabigeena Muxamed Sallaahu caleyhi wassalam.
Haweeneydan lasii daayay ayaa waxaa horey loogu xukumay dil toogasho ah, balse dowladda Paakistaan ayaa ka laabatay go’aankaas iyadoona sii deysay, taas oo ah mida ay ka caroodeen muslimiinta.
Dadka banaanbaxyada dhigaya ayaa sheegayay iney waajib tahay in la dilo haweeneydan gaasha ah iyo xitaa qaadiga xukumay in lasii daayo, waxayna ku baaqeen in talada laga tuuro xukuumadda cusub ee wadanka Paakistaan.
Talada dalka Paakistaan ayaa dhawaan waxaa la wareegay nin lagu magacabo Cumraan Khaan, kaas oo ah cilmaani xilliyo badan oo noloshiisa kamid ah kusoo qaatay wadamada Yurub gaar ahaan Ingiriiska.
About The Author
