Ciidamo Katirsan Maamulka Puntland Oo Lagu Qarxiyay Duleedka Magaalada Boosaaso.

November 17, 2018

Xoogaga Al Shabaab ayaa markale weerar khasaara dhaliyay ku qaaday ciidamo katirsan maamulka isku magacaabay Puntland ee kajira gobollada waqooyi Bari.

Wararka ka imaanaya Buuraha Goolis ayaa sheegaya in maalintii Shalay ay xoogaga Al Shabaab qarax xooggan la eegteen gaari Cabdi Bile ah oo ay la socdeen maleeshiyaat ka tirsan maamulka Puntland xilli ay ku safrayey wadada u dhexaysa magaalooyinka Galgala iyo Boosaaso ee bariga dalka Soomaaliya.

Gaariga la beegsaday ayaa kasoo dhaqaaqay magaalada Galgala wuxuuna kusii jeeday magaalada Boosaaso ee xarunta gobolka Bari, Waxaana la sheegay in lala helay qarax aad u xooggan.

Saraakiisha Al Shabaab ee ku sugan halkaas ayaa Idaacadda Islaamiga Andalus u xaqiijiyey in gaariga uu ka burburay qeybta dambe, islamarkaana ay goobta dhimasho iyo dhaawac ku noqdeen askartii saarneyd.

Ilo wareedyo lagu kalsoonyahay waxay sheegayaan in isbitaalka weyn ee ,magaalada Boosaaso ladhigay dhaawacyada illaa sedax askari oo kamid ahaa kuwii qaraxa lagula beegsaday duleedka Galgala.

Xoogaga Al Shabaab ee ka howlgala Buuraha Goolis ayaa Aalaba ugaarsada gaadiidka maleeshiyaatka isku magacaabay Puntland ee isaga kala goosha magaalooyinka ku yaalla bariga Soomaaliya, waxaana ay dhowr jeer ay wadadan ku beegsadeen gaadiid ciidan iyo maleeshiyaadka Ashahaadda ladirirka ah ee loo tababaray ladagaallanka waxa argagaxisada loogu yeero.