Wararka ka imaanaya magaalada Baardheere oo kamid ah magaalooyinka waaweyn ee gobolka Gedo ayaa ku waramaya in maamulka degmadaas ee ka amar qaata Axmad Madoobe ay dileen dhowr ruux oo ku jiray xabsiyada maamulkaas.
Ugu yaraan 6 qof oo isugu jirta ganacsato, iyo dad ahlu diin ah oo maalmihii lasoo dhaafay laga soo qabtay xaafadaha magaalada Baardheere ayaa maanta lagu toogtay gudaha magaalada Baardheere.
Dadka magaalada ayaa aad uga naxsan arintan, maadaama dadka la dilay la ogaa iyagoo ku xiran xabsiyada maamulka Axmad Madoobe, lana filayay iney soo daayaan maadaama ay ahaayeen dad shacab ah oo aan ku lug lahayn arimo ka dhan ah maamulka halkaas ka jira.
Arinta la yaabka leh waxay tahay in ciidamada maamulka Jubbaland ay diideen in la aaso meydadka dadka ay gumaadeen, waxaana weli ay yaalaan goobtii lagu dilay.
Dilka maxaabiistan isugu jirta Ganacsato iyo Dad wax ka baranayay xalaqaadka cilmiga ee masaajidda magaalada Baardheere ayaa waxaa amar ku bixiyay ciidamada Itoobiya ee xooga ku heysta magaalada Baardheere.
Maamulka Jubbaland ayaa marar badan wuxuu geystay gumaad wuxuushnimo oo ka dhan ah dadka shacabka ah ee aan waxba galabsan, kuna nool deegaanno kamid ah Jubbooyinka iyo Gedo.
About The Author
