Qarax aad u weyn ayaa ciidamada Shisheeyaha waxaa lagula eegtay qeybo kamid ah gobolka Shabeellaha Hoose oo mudooyinkii u dambeeyey marti gelinayay weeraro lagu dhiig bixinayo ciidamada Afrikaanta.
Ciidamada qaraxa lala eegtay oo katirsan kuwa ka socda dalka Uganda ayaa waxa uu qaraxu qabsaday iyagoo maraya inta u dhexeysa deegaannada Danow iyo Golweyn ee gobolka Shabeellaha hoose.
Qaraxa ayaa dhacay xilli ay askartu lugeynayeen, waxaana goobta ku dhintay ugu yaraan 3 askari oo Yugaandhees ah.
Ciidamada la qarxiyay ayaa sahay u siday ciidamada Shisheeyaha ee ku kala sugan Danow iyo Golweyn, waxaana inta badan marka ay sahayda isku gudbinayaan la kulmaan weeraro xoogan.
Sidoo kale, ciidamo katirsan kuwa dowladda ayaa qarax lagula beegsaday degmada Awdheegle ee gobolka Shabeellaha hoose.
Askartan ayaa la qarxiyay xilli ay ku guda jireen jarista dhirta ka baxda degmada, waxaana qaraxa kaga dhaawacmey ugu yaraan 4 askari, Tiro kalane waa lagu dhaawacay.
Daqiiqado kadib markii uu qaraxa koowaad dhacay ayuu qarax 2aad qabsaday ciidamada Uganda markii ay gaareen deegaanka Golweyn oo kaabiga ku haya degmada Buula Mareer, waxaa la sheegayaa in qaraxa labaad uu ka khasaara badanyahay qaraxii koowaad ee maanta duhurkii dhacay, isku gayn khasaaraha dhimasho ee ciidamada Uganda kasoo gaaray qaraxyadii maanta waa 7 askari.
Dhinaca kale guddoomiyaha degmada Awdheegle ugu magacaaban dowladda Federaalka ayaa si dirqi ah uga badbaaday qarax lala damacsanaa in lagu dilo, qaraxa ayaa la sheegay in uu gaystay khasaara dhimasho iyo dhaawac isugu jira.
Sidoo kale ciidamo katirsan DF-ka ayaa ku waxyeeloobay qarax aad u xooggan oo xalay lagula beegsaday xaafadda Oobaale ee gudaha magaalada Marka xarunta Sh/Hoose.
About The Author
