Degmada Baraawe ee gobolka Shabeellaha hoose waxaa ka dhacay fal naxdin leh, oo gilgiley dadka ku nool halkaas.
Gaari dagaal oo ay wateen ciidamada Shisheeyaha ayaa gelinkii dambe ee shalay waxa uu bartamaha Baraawe ku jiiray wiil yar oo kamid ah dadaka degmada Baraawe.
Durba wiilka yar ayaa goobta ku geeriyooday, waxaana maskaxdiisa ay ku daadatay wadadada, gaarigii jiiray ee Shisheeyahana uma istaagin oo horey ayuu usii socday.
Arintan ayaa aad u cara gelisay dadka ku nool degmada Baraawe, waxayna sheegeen iney aad uga nexeen.
Qoyska wiilka yar ee la dilay ayaa goobta soo gaaray, kuwaas oo qaatay meydka wiilkooda.
Dhacdooyinka noocan ah waxay aad ugu soo noqnoqdeen goobaha ay Shisheeyuhu ka joogaan Soomaaliya, sida magaalada caasimadda ah ee Muqdisho, Shisheeyuhuna waxaa horey loogu saxiixay inaan waxba laga waydiin doonin dadka ay gumaadayaan.
About The Author
