Saraakiil sar sare oo katirsan wasaaradda gaashandhiga ee Maraykanka ayaa shaaca ka qaaday in si kumeel gaar ah loo hakiyay howlihii tababarada milliteri ee ciidamo ka socoda maamulka Aala-Sucuud lagu siinayay dalka Maraykanka.
Sarkaal la hadlay wakaalaha Caalamka, islamarkaana diiday in magaciisa qalabyada warbaahinta loo adeegsado ayaa shaaca ka qaaday in madaxda ugu sarreysa ee wasaaradda Pentagonka Maraykanka ay soo saaren awaamiir ah in la hakiyo dhamaan howlaha tababar ee dalka Maraykanka lagu siinayo ciidamada maamulka Aala-Sucuud.
Sarkaalka la hadlay warbaahinta, wuxuu sheegay iney socdaan baaritaanno dib loogu ogaanayo xaaladaha shakhsi iyo taariikhda hore ee dhamaan ciidamada Aala-Sucuud ee jooga dalka Maraykanka.
Go’aankan kasoo baxay wasaaradda dagaalka ee Maraykanka ayaa kusoo aaadaya, xilli dhawaan saldhig milliteri oo ku yaala gobolka Florida uu askari katirsanaa maamulka Aala-Sucuud ku dilay 3 askari oo Maraykan ah, kuna dhaawacay 7 kale.
Muxamad Al-Shumraani oo ahaa fuliyaha weerarkaas ayaa qoraal uu dhigay bar uu ku lahaa Twitterka wuxuu ku sheegayo in weerarkan uu u fulinayo maadamaa dowladda Maraykanka ay noqotay dowlad shar badan, dhibaatana ku heysa muslimiinta Caalamka.
About The Author
