Warar dheeraad ah ayaa kasoo baxaya diyaarad nuuca aan duuliyaha laheyn ah oo kusoo dhacday deegaan katirsan gobolka Hiiraan.
Wararka ka imaanaya duleedka degmada Buula Burde ayaa sheegaya in maanta duhurkii ay halkaas kusoo dhacday diyaarad Drone ah oo loo malaynayo in ay leedahay dowladda Mareykanka.
Diyaaradda ayaa kusoo dhacday dhul beereed ku dhow deegaanka Buurweyn oo qiyaastii 30 KM dhanka Koonfureed uga beegan degmada Buula Burde, Waxey dadka deegaanka xaqiijiyeen in ciidamada Mujaahidiinta Al Shabaab ay diyaaradda soo dhacday dab qabadsiiyeen ka hor intii aysan halkaas gaarin ciidamada Jabuuti iyo maleeshiyaadka maamulka Hirshabelle.
Saacad kadib markii ay diyaaraddu dhulka kusoo dhacday ayay ciidamo Jabuutiyaan ah kasoo dhaqaaqeen degmada Buula Burde si ay diyaaradda oo nabad qabta uqaadaan balse xoogaga Al Shabaab oo uga hormaray ayaa dab qabadsiiyay sida ay noo sheegeen dadka deegaanka.
Saraakiil katirsan taliska ciidamada AFRICOM ayaa loo badinayaa in ay ciidamada Jabuuti amar kusiiyeen soo badbaadinta diyaaradda kusoo dhacday deegaanka Buurweyn balse waa ku guul darraysteen oo Al Shabaab ayaa diyaaradda dab qabadsiisay.
About The Author
