Codayn xalay ka dhacday magaalada Washington ee dalka Mareykanka ayay golaha Koongareeska Mareykanka oo u dhigma Baarlamaan waxay isku raaceen in Trump lasoo taago Maxkamad u gogol xaaraysa in casilaad lagu sameeyo.
Warbaahinta Mareykanka ayaa sheegtay in go’aanka ay xalay qaateen xubnaha Koongareeska Mareykanka uu ahaa mid taariikhi ah, ku dhowaad 200 oo xildhibaan ayaa isku raacday in Trump lasoo taago maxkamad si loo casilo.
Nancy Pelosi oo ah guddoomiyaha golaha Koongareeska ayaa iclaamisay in Trump uu yahay madaxweyne maxkamad suge ah si xilka looga tuuro isagoo ku eedaysan khiyaano iyo in uu isku dayay in uu halis geliyo dastuurka wadanka udegsan.
Codayntii Xalay ka dhacday Mareykanka oo lagu sheegay mid taariikhi ah waxaa ka qeyb qaatay 230 xildhibaan 197 xildhibaan ayaa ucodaysay in Trump lacasilo halka 33 xildhibaan oo kaliya ay kasoo horjeesteen.
Maxkamadeynta Trump ayaa dhici doonta bishi Janaayo ee sanadda 2020 oo maalmo yar ay ka harsanyihiin, si madaxweynaha loo casilo waxaa loo baahanyahay sedax meeloodoo meel taas oo ka dhigan in 20 kamid ah xildhibaannada Xisbiga Jamhuuriga taageeradooda ay muhiim tahay.
Trump wuxuu noqon doonaa madaxweynihii 3aad oo American ah ee maxkamad xilka qaadis ah wajahaya, sanaddii 1998 ayay baarlamaanku maxkamad saareen Biil Clinton oo madaxweyne ahaa balse waa ka badbaaday oo lama ridin, sanaddii 1968 waxaa maxkamad lasoo taagay madaxweynihii mareykanka ee xilligaas Andrew Johnson xilkii uu hayana waa laga xayuubiyay
Donald Trump oo sanaddii 2017 qabtay xilka madaxtinimada Mareykanka ayaa ku kacay khaladaad waaweyn sida isagoo ka baxay heshiisyo dhowr ah oo maamulladii ka horreeyay ay saxiixeen, wuxuu bilaabay dhismaha darbi weyn oo kala owdaya Mareykanka iyo Meksiko sidoo kale markii uu talada qabtay wuxuu soo rogay go’aanno cunsuriyadeed oo ka dhan ah dadka muslimiinta.
About The Author
