Ciidamada Xarakada Mujaahidiinta Alshabaab waxey weerar culus ku qaadeen xero weyn oo ku taala duleedka Magaalada Mandheera oo ka mid ah dhulka Kenya xooga kaga heysato Muslimiinta Somalia.
Xeradan weerarka culus ay la beegsadeen Mujaahidiinta waxaa iska leh oo daganaa shirkad dowladda Saliibiyada Kenya u qaabilsan sameysnta xuduud beenaadyada Somalia iyo Kenya.
Ciidamada Mujaahidiinta ayaa dhowr jiha ka weeraray xerada, Iyadoo dagaalka markii uu bilowday durbaba Saliibiyiinta Kenya ay bilaabeen iney xerada isaga cararaan.
Ciidamada Mujaahidiinta ayaa si buuxda ula wareegay gacan ku heynta xerada waxeyna gubeen Afar gaari Cagaf-cafyo ah iyo Matooro waxeyna sidoo kale gabi ahaan dab qabadsiiyeen guud ahaan dhismaha xeradaas.
Weerarkan culus ee ka dhacay duleedka Mandheera ayaa kusoo aadaya xilli maalmo ka hor ciidamada Mujaahidiinta howlgal ay ka fuliyeen deegaan ka tirsan gobalka Wajeer ee ku hoos jira gumeysiga Saliibiyiinta Kenya waxey kusoo qafaasheen shaqaale ka tirsan dowladda Saliibiyadda Kenya Labo gaarina waa soo qaniimeysteen.
Sidoo kale weerarkan ayaa kusoo aadaya xilli maalmo ka hor Mujaahidiinta howlgal ay ka fuliyeen Tuulada Harbuul oo qiyaastii 53 KM ujirta magaalada Gaarisa ay ku dileen ugu yaraan Sagaal katirsanaa shaqaalaha dowladda Saliibiyadda Kenya, Waxaa kan kasii horeeyay weerar ciidamada Mujaahidiinta ay ka fuliyeen wadada isku xirta magaalooyinka Nayroobi iyo Mandheera kaasi oo ay ku dileen inka badan Toban ka tirsan Saliibiyiinta Kenya kuwaasi oo ay Mujaahidiintu kala dageen gaari Bas ah oo ay la socdeen.
Calamada.com
About The Author
