Warar dheeraad ah ayaa kasoo baxaya dagaal culus oo saaka ka dhacay deegaan katirsan gobolka Baay ee dhaca Koonfurta dalka Soomaaliya.
Saaka aroortii hore ayay ciidamo katirsan Xarakada Al Shabaab waxay weerar kula jarmaadeen saldhig maleeshiyaad daacad u ah maamulka Koonfur galbeed ay ku lahaayeen deegaanka Goofguduud Buureey.
Dagaalka oo muddo saacada ah socday ayaa sababay khasaara xooggan oo dhabarka loo saariyay maleeshiyaadkii Koonfur Galbeed, ilo wareedyo ayaa sheegaya in xoogaga Jihaadiga ah ee weerarka qaaday ay si buuxda ula wareegeen gacan ku heynta deegaanka ayna cagta mariyeen saldhigyadii melleteri ee halkaas kuyiillay.
War rasmi ah oo kasoo baxay taliska ciidamada Al Shabaab ayaa lagu sheegay in dagaalkii saaka lagu dilay 11 Askari oo uu kamid yahay Murtad Dhaayoow oo ahaa taliye ku xigeenkii saldhigga Goofguduud Buureey.
Wararka ayaa intaas ku daraya in ciidamada Mujaahidinta Al Shabaab ay gacanta ku dhigeen Sagaal qoray uu kamid yahay qoriga loo yaqaan PKM ama daba miinshaar, dhinaca kale qarax xooggan ayaa lagu weeraray ciidamo kasoo gurmaday magaalada Baydhabo kunasii jeeday Goofguduud.
Qaraxa ayaa burburiyay gaari Cabdi Bile ah oo uu ku rakibnaa qori Dhashiike ah waxaana dhimasho iyo dhaawac noqday dhammaan ciidamadii gaariga saarnaa.
About The Author
Ibliissku markuu korshaba kaqaata miyaa kistaba
Kadeed mini Eebe baday karaama ma uu lehee
Kufriga niman kaa lajira inaad Kadab kood jartaan kaawiyad madaxaw sudhaan kirdhaha Kafarada madaw iyo kaba qaad yadasn
Allhu akbar