Wararka ka imaanaya dalka Suudaan ayaa ku waramaya in diyaarad milliteri ay ku burburtay wadankaas, taas oo ay leeyihiin ciidamada milliteriga ee Suudaan.
Diyaaradda burburtay oo ah noocyada ay farsameyso dowladda Ruushka ayaa waxaa ku dhintay dhamaan dadkii saarnaa oo u badan saraakiil iyo xubno katirsan dowladda Suudaan.
Waxay burburtay xilli ay kasoo kacday garoon ku yaala deegaanka Al-Jiina ee Daarfoor, waxaana dhintay dhamaan dadkii saarnaa oo tiradooda lagu sheegay 16 ruux.
Dadka dhintay waxaa ku jira xubin katirsan Qaramada Midoobay, saraakiisha dowladda Suudaan, iyo garsoorayaal, waxaana diyaaraddu soo dhacday shan daqiiqo kadib markii ay duushey.
Lama oga sababta rasmiga ah ee keentay burburka diyaaradan, waxaana ay imaaneysaa iyadoo xiisad ka taagantahay gobolka Daarfoor, halkaas oo ay ka dhacayaan dagaallo qaab qabiil u abaabulan oo ay ku lug leeyihiin malleeshiyaad.
About The Author
