Wararka ka imaanaya gobolka Gaarisa ee NFD ayaa sheegaya in ciidamo ka tirsan Mujaahidiinta Al-Shabaab ay saakay aroortii hore weerar ku qaadeen deegaan hoostaga Magaalada Gaarisa ee ku hoos jirta gumaysiga Kenya.
Weerarka ayaa ka dhacay deegaanka Kamuuda oo qiyaastii 35 kiilomitir dhanka bari kaga beegan Magaalada Gaarisa, waxaana halkaas ka dhacay khasaare naf iyo hanti leh oo soo gaaray Kenyaatiga.
War kasoo baxay taliska ciidamada Xarakada Mujaahidiinta Al-Shabaab ayaa lagu sheegay in weerarka lagu qabsaday xero ciidamada Booliska Kenya ku lahaayeen deegaanka, isla markaana laga soo qaniimaystay hub iyo saanad ciidan oo aad u farabadan.
Saddex ka tirsan dadkii gaalada Kenyaatiga ahaa ayaa sidoo kale ku dhintay intii uu weerarku ka socday deegaanka Kamuuda.
Sidoo kale taliska ciidamada Al-Shabaab ayaa sheegay in halkaas lagu burburiyay xarun ay leedahay shirkada Safaricom ee ay dowlada Kenya leedahay.
Todobaadyadii lasoo dhaafay waxaa weeraro xiriir ah ay ka dhacayeen gobollada Muslimiinta ee ay Kenya xoogga ku haysato, sida gobollada Gaarisa, Mandheera, Wajeer iyo Lamu.
Al Shabaab ayaa sare uqaadday weerarada ay ku beegsanayso saldhigyada ciidamada Kenya ee gobollada Wajeer,Gaarisa,Laamu iyo Mandheera oo dhammaatood kawada tirsan dhulalka muslimiinta ee Kenya xoogga ku haysato
About The Author
