Wararka ka imaanaya wadanka Suudaan ayaa ku waramaya in goob ay ka dhaceysay xaflad aroos ay isku bedeshey goob musiibo, kadib markii qarax xoogan uu ka dhex dhacay hoolka ay xafladdu ka socotay.
Qaraxan ayaa ka dhacay xaafadda AlXaaji Yuusuf ee bariga magaalada Al-khardhuum ee caasimadda wadanka Suudaan, waxaana dhimasho iyo dhaawac ku noqday dadweyne aad u farabadan oo soo xaadira xafladda.
Inkastoo riwaayado kala duwan ay kasoo baxayaan qaabka uu u dhacay qaraxa iyo sababaha keeney, hadana waxaa la sheegayaa in qaraxa dhaca uu ahaa bambo uu watay mid kamid ah dhalinyaradii kasoo qeybgalay xafladda.
Lama oga sababaha rasmiga ah ee keeney qaraxa, balse waxay dadk qaar kusoo waramayaan in bambada ay ka dhacday wiilka dhainyarada ah, oo markii horeba usoo qaatay xarako iyo dhalinyaranimo.
Dadka dhintay waxay cadadoodu gaareysaa 7 ruux, halka ay dhaawacmeen todobaatameeyo qof, kuwaas oo la dhigay xarumaha caafimaadka si loola tacaalo xaaladooda caafimaad.
Qoyska arooska dhiganayay ayaa dareen murugo leh ka muujiyay wixii dhacay, waxayna sheegeen inaaney garayenin ruuxa sababta u ahaa qaraxan oo isaga qudhiisa la isla dhexmarayo inuu dhintay iyo inuu gaaray dhaawac halis ah.
War kasoo baxay Booliiska wadanka Suudaan waxaa lagu sheegay iney wadaan baaritaanno ballaaran oo loogu kuurgalayo wixii dhacay.
About The Author
