Wararka ka imaanaya dalka Maali ayaa sheegaya in ciidamada Mujaahidiinta Jamaacada U Gargaaridda Islaamka iyo Muslimiinta oo ka dagaalama dalka Maali iyo dalalka dariska la ah weerar aad uxooggan ku qaadeen saldhig melleteri oo ku yaal degmada Sokolo oo katirsan gobolka Segou.
War rasmi ah oo kasoo baxay Jamaacada Ugargaaridda Islaamka iyo Muslimiinta ayaa lagu sheegay in ciidamadoodu ay weerar xoog kugal ah ku qaadeen saldhigga ciidanka Maali ayna dileen wax ka badan 20 askari.
Weerarka oo ahaa mid lama filaan ah ayaa sababay in xoogaga Al Qaacidda ay gacanta ku dhigaan dhammaan wixii hub ahaa ee saldhigga yiillay waxaana kamid ah 9 gaadiidka dagaalka ah,20 qori PKM ah iyo saanado kale.
Dhinaca kale Afhayeenka Melleteriga Maali ayaa xaqiijiyay in ciidamadooda weerar xooggan lagu qaaday wuxuu sheegay in 19 askari laga dilay.
Goobta weerarku ka dhacay ayaa kaabiga ku haysa xuduudda dalka Maali uu la wadaago wadanka Muritaaniyo waana furin cusub oo markale ku furantay ciidamada xukuumadda Maali.
Mujaahidiinta Jamaacada U Gargaarida Islaamka iyo Muslimiinta ayaa ah Mujaahidiin taabacsan Mujaahidiinta Al-qaacidah faraca dhulka Bilaadul Magribil Islaam.
About The Author
