Wararka ka imaanaya gobolka Jubbada hoose ayaa sheegaya in weerar dhimasho iyo dhaawac ay ku noqdeen askar ka tirsan maleeshiyaadka Murtadiinta uu ka dhacay duleedka magaalada Kismaayo ee xarunta gobolka Jubbada hoose.
Ciidamo ka tirsan Xarakada Mujaahidiinta Al-Shabaab ayaa waxay weerar qorshaysan ku qaadeen isbaaro maleeshiyaadka murtadiinta u tiillay inta u dhaxaysa deegaanka Cabdalla Biroole iyo magaalada Kismaayo, halkaas oo khasaare kala duwan lagu gaarsiiyay maleeshiyaadka Ridada.
Inta la ogyahay waxaa weerarkaasi lagu dilay labo askari oo ka mid ahaa maleeshiyaadkii ay isbaaradu u tiillay inta u dhaxaysa C/Biroole iyo Kismaayo, Waxaana sidoo kale ay ciidamada Mujaahidiintu soo Qaniimaysteen hal qori oo ay lahaayeen maleeshiyaadka murtadiinta.
Sidoo kale waxay ciidamada Mujaahidiintu weerar kale la beegsadeen maleeshiyaad gurmad u ahaa askartii lagu weeraray isbaarada, Waxaana dagaalka labaad ku dhaawacmay labo askari oo maleeshiyaadkaasi ka mid ahaa.
Howlgalkan fariidka ah ayaa kusoo beegmaya xilli saacadihii lasoo dhaafay ay Mujaahidiintu siyaabo kala duwan u weerareen saldhigyada murtadiinta iyo ciidamada shisheeyaha ay kaga suganyihiin wilaayaadka Jubbooyinka iyo Shabeellaha hoose, halkaas oo khasaare dhimasho iyo dhaawac lagu gaarsiiyay cadowga.
Calamada.com
About The Author
