Kadib doorasho ku sheeg ka dhacday magaalada Baydhabo ee gobolka Baay ayay kooxda Riddada Soomaaliya sheegtay in Aadan Madoobe uu noqday madaxweynaha cusub ee maamulkaasi.
Wararka ka imaanaya xarunta gobolka Baay ayaa sheegaya in golaha dawaaqiidda maamulkaas oo kooxda Riddada ay soo magacaawday ay Aadan Madoobe udoorteen hoggaamiyaha maamulka Koonfur Galbeed.
Doorasho ku sheegtii Baydhabo lagu qabtay dhammaan dadkii codeeyay ayaa doortay Aadan Madoobe mana jirin mushar kale oo wax cod ah helay arrinkaas oo banaanka soo dhigaya in kooxda Riddada ay iyadu isku caana shubaysay.
Shariif Sakiin oo kamid ahaa musharrixiintii Baydhabo ku sugnaa ayaa wixii dhacay ku sifeeyay doorasho ku sheeg aan wax kalsooni ah lagu qabi karin isagoo eedayn culus ujeediyay Aadan Madoobe.
Dhinaca kale saraakiisha daacadda u ah maamulkii Laftagareen ayaa qaadacay doorashada Aadan Madoobe waxayna ku tilmaameen is magacaabis iyagoo ku goodiyay in ay sare uqaadayaan weerarada ay ku hayaan magaalada Baydhabo.
About The Author
