Taliska ciidamada Xarakada Al-Shabaab ayaa markii ugu horreysay ka hadlay dagaallada gobollada Hiiraan iyo Galguduud ku dhex maraya iyaga iyo maleeshiyaatka Macawiislayda oo ah maleeshiyo beeleed ay abaabushay DF iyo ciidamada shisheeye ee taageerada u ah.
Afhayeenka ciidamada Al-Shabaab Sheekh Cabdicasiis Abu Muscab oo qabtay shir Jaraa’id ayaa sheegay in cadawgoodu uu mar walba tijaabiya farsamo uu doonayo in uu ku hagardaameeyo ku dhaqanka Shareecada Islaamka ee ka jirta qaybo kamid ah wadanka, taas oo ay kamid tahay abaabulka iyo hubaynta maleeshiyaad beeleedyo kadibna u adeegsado dagaalka shareeca la dirirka ah, isagoo taas ku tilmaamay farsmo duug ah oo uu cadawgu boqolaal jeer soo tijaabiyay balse uu dhamaantood ku soo fashilmay.
” Annagu hadii aan nahay ciidanka Xarakat Asha-Shabaab Al Mujaahidiin, waxaan har iyo habeen u taaganahay, kulaylka iyo dhaxanta ugu dulqaadanaynaa, dagaalka cadawga iyo rasaastiisa ugu heellanahay, waa inaan Ilaahay diintiisa ku difaacno. Waa inaan dhulka Muslimiinta ee ay gaaladu gumaysato ka xoreyno, waa in Shareecada Islaamka dalka iyo dadka lagu dhaqo, waa in Kalimadda Ilaahay ay kor ahaato, kalimada Gaaladuna hoos ahaato” Ayuu yiri Abu Muscab.
Isagoo hadalkiisa sii wata waxaa uu yiri: “Waxaan dhamaan qabaa’ilka Soomaaliyeed u sheegeynaa, anagu duullaan kuma nihin reer gaar ah iyo deegaan gaar ah. Raggaas waxaan nahay dhiigooda u huraya sidii aan Gaaladaas dalka uga saari lahayn, Shareecaduna u talin lahayd. Reer walba, juffa walba iyo qoys walba oo go’aansada inuu cadawgaas safkiisa biiriyo, hubkana u qaato inuu la dagaalamo Mujaahidiinta, garabna u noqdo gaaladaas dalka iyo diinka ku soo duushay, xukunka Ilaahay ee Kitaabka ku qorani waa cadyahay.
قال تعالى (ا أيها الذين آمنوا لا تتخذوا اليهود والنصارى أولياء بعضهم أولياء بعض ومن يتولَّهم منكم فإنه منهم إن الله لا يهدى القوم الظالمين)
Wuu sii hadlay oo waxaa uu yiri ” Qof walba oo cadawgaas soo raaca isaguu noola mid yahay. Magaciisu muhiim nooma aha, ama macawiisleey haloo bixiyo ama shaatileey haloo baxsho. Qofkii Gaaladaas iyo maamulladaas ridada ah soo raaca iyaguu ku xukun yahay.
Waxaan ognahay reeraha uu cadawgu u bandhigay qorshahaas, waxaan ognahay kuwa iska diiday, waxaan ognahay ku qaatay mashruucaas shareecada la dirirka ah, waxaan ognahay meesha qorshayaashaas lagu abaabulayo, waxaan ognahay siyaasiyiinta ridada ah ee abaabulaysa, waxaan ognahay odayaasha ku lugta leh, waxaan ognahay kuwa dhaqaalaha ku bixinaya. Waxaan leenahay ka jooga oo ka tawbad keena. Ha noqonine xaabo ay gaaladu ku shido colaada ay ka hurinayso dalkaan Soomaaliyeed ee Muslimka ah”.
Halkan Ka Dhageyso Shirka Jaraa’id Ee Sheekh Abuu Muscab.
Calamada.com
About The Author
