Faahfaahino dheeraad ah ayaa kasoo baxaya weerar khasaara badan dhaliyay oo dhawaan ka dhacay magaalo ka tirsan dalka Ruushka.
Bayaan kasoo baxay Katiibada Imaamu Shaamil Baasiyeef oo Mujaahidiinta Al Qaacidda taabacsan ayay ku sheegtay in mid kamida dagaalyahanadeeda uu fuliyay weerarkii ka dhacay magaalada St. Petersburg ee wadanka Ruushka waxaana halkaasi ku dhintay tobaneeyo qof oo Russian ah.
Al Qaacidda waxay sheegtay in weerarkan ay ugu aargudaysay shacabka Muslimiinta Shaam gaar ahaan Suuriya oo ciidamada Ruushka ay xasuuq daran ka wadaan.
Weerarka oo dhacay 3,April, 2017 waxaa fuliyay Nin lagu magacaabi jiray Akbar Jaan Jaliiloof oo kamid ah dagaalyahanada Ururka Al Qaacidda.
Jamaacadan cusub ayaa bayaanka ay soo saartay ku sheegtay in ay kamid tahay Urur weynaha Al Qaacidda waxayna wadataa magaca amiirkii hore ee imaarada islaamiga Shishaan.
Dowladda Ruushka ayaa horay wax ay ugu yeertay Argagaxiso ugu eedaysay in ay mas’uul ka ahaayeen weerarkii lagu qaaday bosteejada tareenada laga raaco ee magaalada St. Petersburg.
About The Author
