Maxkamadda wilaayada islaamiga ah ee Bay iyo Bakool ayaa fulisay xadka ka mid ah xuduuda Allaah waxaana xadka lagu fuliyay eedaysane horay dil ugu gaystay qof muslim ah.
Xadka oo ahaa mid qisaas ah ayay maxkamadda wilaayada islaamiga Bay iyo Bakool ku fulisay eedaysane lagu magacaabi jiray Nuur Isxaaq Aadan kaas oo horay fal dil ah ugu gaystay Cadow Naxariis Aadan.
Cadow oo da’diisu ahayd 40 sanno jir ayuu si bareera u dilay eedaysanaha xadka lagula fuliyay fagaaraha degmada Buula fulaay waxaana maxkamada usoo dacwad tagay ehelka cadow kuwaas oo maxkamadda ka codsaday in loo qisaaso dilka loo gaystay Cadow.
Fagaaraha uu xadku ka dhacayay waxaa soo buuxdhaafiyay boqollaal dadwayne ah oo isaga kala yimid xaafadaha degmada buula Fulaay waxaana goobta fagaaraha ka hadlay mid ka mida qudaada maxkamadda WI Bay iyo Bakool isagoona sharaxaad ka bixiyay eedda eedaysanaha iyo xukunkii maxkamadda.
Maxkamadaha islaamiga ah ee ka dhisan wilaayaadka dalka ayaa aalaaba fuliya xukunnada kala duwan ee shareecada islaamka dhawaan ayayna ahayd markii maxkamadda islaamiga wilaayada Jubbooyinka ay fulisay xukunno kala duwan kuwaas oo ka dhacay fagaare kuyaal degmada Jilib.
Calamada.com
About The Author
