Ciidanka guutada madaafiicda mujaahidiinta Al-shabaab ee ka howlgala wilaayada Jubbada hoose waxay weerar madaafiic ah ku qaadeen xero uu degmada Afmadow ka dagganyahay murtad Axmed Madoobe madaxa maamulka ashahaada la dirirka ah ee Jubbaland.
Madaafiicda ayaa Allaah fadligiis ku dhacay gudaha xerada, waxaana jirta khasaare kala duwan oo maleeshiyaadka murtadiinta kasoo gaaray weerarkan duqaynta ah ee ay mujaahidiintu ku qaadeen xerada uu Axmed Madoobe ka degay degmada Afmadoow.
Dhanka Sh/hoose waxay ciidamo ka tirsan mujaahidiinta ka howlgala Sh/hoose, howlgal culus oo qarax ah la eegteen gaari Cabdibile ah oo ay la socdeen maleeshiyaadka murtadiinta, kaasi oo kasoo baxay xerada murtadiinta ee deegaanka Arbacoow kuna jeeday deegaanka Ceelasha Biyaha.
Inta la xaqiijiyay waxaa howlgalkan qarax ah oo u dhacay sidii loo qorsheeyay lagu dilay shan askari oo murtadiin ah, halka ay ku dhaawacmeen laba kale oo murtadiin ah, oo uu ku jiro Abaanduulaha maleeshiyaadka Riddada ee xerada Arbacoow, kaasi oo lugihiisa ku waayay qaraxan, waxaana lagu magacaabaa Cabdi Suubiye Caraale.
Howlgal kale oo qarax ah ayay ciidamada mujaahidiintu ka fuliyeen degmada Buulo-mareer, si gaar ah waxa uu qaraxu kaga dhacay goob isku imaatin u ah maleeshiyaadka Riddada, Taliye unug lagu magacaabo Cabdi Wahaab ayaa ku dhaawacmay qaraxa, kaasi oo dhaawiciisu yahay mid garaab ah.
Howlgallada mujaahidiintu ka fuliyeen Sh/hoose, waxaa ka mid ah weerar kamiin ah oo ciidamo ka tirsan mujaahidiintu la beegsadeen kolonyo murtadiin ah oo ka baxay degmada Afgooye kuwaasi oo doonayay iney shidaal geeyaan saldhigga Bilidoogle.
Weerarka dhabbagalka ah ayaa si gaar ah kaga dhacay tuulada Buulalow oo hoostagta degmada Afgooye ee Sh/hoose, waxaana xusid mudan in kolonyada shidaalka sidday ay ku adkaatay inay sii wataan socodkooda, weerarka kaga yimid dhanka mujaahidiinta ayaana ku qasabay inay dib ugu laabtaan Afgooye iyagoo khasaare kala duwan dhabarka ku sita.
Dhanka Bakool, waxay ciidamada mujaahidintu dagaal culus ku qaadeen saldhigga maleeshiyaadka Ridada ay kaga suganyihiin degmada Waajid, dagaal culus oo la isku adeegsaday hubka noocyadiisa kala duwan ayaa ka dhacay gudaha saldhiggaasi oo u dhaxeeyay mujaahidiinta iyo murtadiinta.
About The Author
