Magaalada Kismaayo ee xarunta maamul goboleedka ashahaada la dirirka ah ee Jubbaland, waxaa maanta ka dhacday doorasho uu buuq badan hareeyay, taasi oo uu markii 3-aad isku doortay madaxa maamulkaasi murtad Axmed Madoobe.
Maleeshiyo tira beel ah ayuu kusoo daadiyay wadooyinka iyo xaafadaha kala duwan ee magaalada Kismaayo, hoolka ay doorashadu ka dhacaysay waxaa Axmed madoobe kula sugnaa ilaa laba xubnood, kuwaas oo lagu tilmaamay malxiis siyaasadeed oo uu isugu keensaday.
Sidii la filayay guddoomiyaha golaha dawaaqiida ah ee maamulkaas, murtad Cabdi Maxamed Cabdiraxmaan ayaa ku dhawaaqay in badi xildhibaannada ay u codeeyeen in uu madaxweyne maamulkaasi markale noqdo murtad Axmed Madoobe, waxaa xusid mudan in xildhibaannadu yihiin kuwa uu soo xushay madaxa maamulkaasi si ay markale u doortaan.
Shariif murtad oo soo noqday madaxii hore ee kooxda Riddada Soomaaliya, ayaa qoraal uu bartiisa gaarka ah ku daabacay ugu hambalyeeyay Axmed Madoobe, isagoo sheegay in tallaabadaasi ay meesha ka saarayso muddo kororsiga murtad Xassan Gurguurte.
Doorasha ku sheegta uu maanta isku caleema saaray Axmed madoobe, ayaa noqonaysa tii 3-aad oo maalmo gudahood ah ka dhacda Kismaayo, waxaa dhinaca kale xalay Kismaayo ka shaaciyay in uu madaxweyne maamulkaasi ashahaada la dirirka ah yahay murtad Maxamed Cabdinuur Kilaas, oo ka mid ahaa xubnaha mucaaradka ah ee isku soo taagay hoggaanka maamulkaasi.
Waxaa labadaan xubnood ee sheegtay inay yihiin madaxda maamulkaasi ka horreeyay murtad Ilyaas Gaboose, oo ay wadato kooxda Ridada Soomaaliya, haddana ah ninka saddexaad ee lagu sheegay in uu madax u yahay maamul goboleedka ashahaada la dirirka ah ee Jubbaland.
Kooxda Riddada Soomaaliya, ayaa si wayn u diidan doorashada uu Kismaayo ku qabsaday Axmed Madoobe, waxayna billowday dhaqdhaqaaqyo xooggan oo ka dhan ah tallaabadaasi.
Muratd Maxamed Cabdullaahi Oomaar oo ka mid ahaa xubnaha mucaaradka ah ee ku sugan Kismaayo, sidoo kalena ka mida musharaxiinta ayaa si rasmi ah u shaaciyay in uu ka haray doorashooyinka is barbar socda ee ka dhacay Kismaayo.
About The Author
