Kulan saacadihii lasoo dhaafay ka dhacay xerada Xalane ee magaalada Muqdisho, ayaa waxaa uu dhexmaray madaxa kooxda Riddada Soomaaliya, murtad Xasan Gurguurte iyo wakiilada gaalada beesha caalamka ee ku sugan xerada Xalane.
Ilo wareedyo ay heshay idaacadda islaamiga Al-andalus, ayaa xaqiijinaya in kulanka oo ay ku sugnaayeen dhammaan wakiilada dowladaha reer galbeedka ee maamula kooxda Riddada amarro culus lagu siiyay madaxa murtadiinta, Xasan Sheekh Maxamuud.
Wakiilada gaalada beesha Caalamka, ayaa kulanka oo saacado badan qaatay Gurguurte ugu sheegay in haddii uusan heshiis siyaasadeed ka gaarin arrimaha doorashooyinka ka hor 15-ka May oo ay ku egtahay muddo xileedkiisa ay qaadan doonaan go’aamo culus oo ka dhan ah kooxdiisa.
Waxay wakiilada gaalada beesha caalamka Xasan sheikh ugu goodiyeen in ay ka jaran doonaan kabka miisaaniyadda ee ay siiyaan kooxdaasi, waxay sidoo kale ugu goodiyeen inay Xalane ka guuri doonaan oo uu soo afjarmi karo taageerada amni ee ay siiyaan kooxda Riddada.
Ilo wareedyada aan helnay, waxay intaas ku darayaan in kulankan oo saacadihii lasoo dhaafay kusoo gabagaboobay xerada Xalane uu murtad Xasan Gurguurte madaxa kooxda Riddada Soomaaliya ka baxay isaga oo madaxa foorarinaya.
Mowqif kan la mid ah waxay wakiilada beesha caalamka horay u siiyeen hoggaamiyeyaasha mucaaradka oo ay kulan gaar ah la yeesheen, waxaana kulankaasi qaab fogaan arag ah uga qaybgalay madaxda maamullada ashahaada la dirirka ah ee Jubbaland iyo Puntland.
Dhanka kale, safiirka dowladda saliibiyadda Ingiriiska u fadhiya xerada Xalane ee magaalada Muqdisho, Charles King, ayaa qoraal uu daabacay kusoo bandhigay xaaladda uu ku shaqeeyo oo uu ku sheegay inay tahay mid cabsi iyo khatar joogto ah.
Muqdisho ayuu ku tilmaamay mid ka mid ah goobaha diblumaasiyiintu ka shaqeeyaan ee ugu khatarta badan caalamka, mararka qaar ayuu sheegay in subaxdiisu ku billaabato dhawaqa digniinta iyo guuxa diyaaradaha dagaalka oo hurdada ka toosiya, si deg deg ah ayuu sheegay in uu u aado goobtiisa shaqo isaga oo adeegsanaya gaadiid gaashaaman iyo qalab difaac si uu shaqadiisa u guto.
In Soomaaliya ka shaqeeyaan diblumaasiyiinta ayuu sheegay inay tahay mid aad u adag, xaalad adag oo amni ayuuna sheegay in uu ku shaqeeyo.
Arimahan waxay kusoo beegmayaan xilli khilaafaadka u dhaxeeya murtadiinta uu gaaray meeshii ugu sarreysay, lagana cabsi qabo in khilaafaadku isku beddelaan gacan ka hadal dhexmara madaxda Villa Somalia iyo siyaasiyiinta mucaaradka.
About The Author
