Waxa loogu yeero beesha caalamka oo ah dowladaha reergalbeedka ee gummeysta Soomaaliya ayaa kulan ay shalay xerada Xalane ee Muqdisho kula yeesheen siyaasiyiinta mucaaradka ah waxay ku sheegeen in wadahadallo dhici doonaan ugu dambeyn 15-ka bishaan.
Kulanka oo ka dhacay gudaha xerada Xalane ee sida adag ammaankooda loo ilaaliyo waxaa ka qeyb galay safiirrada Qaramada Midoobay, Mareykanka, Midowga Yurub iyo Midowga Afrika, sida ay xaqiijiyeen ilo si dhow ula socda wada-hadalladaasi.
Kooxaha mucaaradka ee ku bahoobay Golaha Mustaqbalka waxaa kulanka ku metelayay Shariif Sheekh Axmed madaxweynihii hore ee kooxda Riddada Soomaaliya, Xasan Cali Khayre.
Safiirrada Mareykanka iyo Ingiriiska ayaa kulanka ka sheegay in ay ballan qaadayaan sidii ay Muqdisho u imaan lahaayeen Siciid Deni iyo Axmed Madoobe oo si aad ah umucaaradsan Xasan Gurguurte.
Wararka ayaa intaas ku daraya in safiirrada reergalbeedka ay ugu hanjabeen dhinacyada is khilaafsan haddii bishaan gudaheeda lagaari waayo heshiis siyaasadeed ay qaadan doonaan go’aan halis gelinaya jiritaanka kooxda Riddada Soomaaliya.
illaa iyo hadda lama oga sida xukuuumadda Xasan Gurguurte uga jawaabi doonto wadahadalladan cusub ee ay reergalbeedku gadaal ka riixayaan.
Isbuucii lasoo dhaafay ayay wafdi American ah safarro ku mareen magaalooyinka waaweyn ee dalka Soomaaliya iyagoo walaac ka muujiyay xaaladda siyaasadeed iyo midda amni ee maamullada Ridada dalka ka jira.
About The Author
