Madaxa maamulka ashahaado-la-dirirka Somaliland murtad Cabdiraxmaan Maxamed Cabdilaahi (Cirro) oo saaka ka ambabaxay magaalada Hargeysa, ayaa safar ugu baxay dalka Isu-tagga Imaaraadka Carabta, sida lagu sheegay qoraal kooban oo madaxtooyada maamulkaasi ay baahisay.
Safarkan oo madaxtooyadu ku sheegtay mid shaqsi ah, ayaa dhinaca kalena telefishanka maamulkaasi uu xusay in safarka murtad Cirro noqon doono ka farxiya shacabka Somaliland isla markaana ka nixin doona wax uu ku tilmaamay cadowgooda.
Geesta kale, xubin ka tirsan Aqalka Senate-ka ee Mareykanka oo lagu magacaabo Ted Cruz ayaa muujiyay kalsooni xooggan oo ku aaddan in Madaxweynaha Mareykanka Gaal Donald Trump uu aqoonsan karo Somaliland ka hor dhammaadka muddo-xileedkiisa.
Cruz ayaa maamulka gaallo-raaca Somaliland ku tilmaamay saaxiib istaraatiijiya, oo muhiim u ah danaha Mareykanka ee Geeska Afrika, isaga oo carrabka ku adkeeyay in ay leedahay door muuqda oo dhinaca amniga iyo siyaasadda gobolka ah.
Ted Cruz ayaa hadalladan ka jeediyay kulan saacadihii lasoo dhaafay ay wada-jir u yeesheen Guddiga Arrimaha Dibadda ee Aqalka Senate-ka Mareykanka, halkaas oo ay si qoto dheer uga dooddeen arrimaha ku aaddan Geeska Afrika.
Waxa kale oo uu sheegay in Somaliland ay door muuqda ka qaadato sugidda amniga marin-biyoodka istaraatiijiga ah ee Gacanka Cadmeed, iyo sidoo kale dagaalka lagula jiro argagixisada oo uu ka wado Mujaahidiinta Al-Shabaab.
Senatorkan ayaa sidoo kale shaaciyay in uu warqad u diray Madaxweynaha Mareykanka, taas oo uu kaga codsanayo in si rasmi ah loo aqoonsado Somaliland. Isagoo muujiyay rajo ah in maamulka Trump uu qaadi doono tallaabooyin lagu xoojinayo xiriirka Somaliland.
Si kastaba ha ahaatee, dhaqdhaqaaqyadan u dambeeyey ayaa kusoo aadaya xilli Maraykanka iyo Yahuuddu ay gobollada waqooyi-galbeed ka wadaan dhismaha saldhigyo millateri, kuwaas oo haatan shaqadoodu ay si xawliya uga socoto gudaha garoonka diyaaradaha ee magaalada Berbera.
About The Author
