Wararka ka imaanaya degmada Jalalaqsi ee gobalka Hiiraan ayaa sheegaya in ciidamada dowlada Ridada Jabuuti si bareer ah gudaha degmadaasi ugu dileen qof shacab ah oo ka mid ahaa dadka ku dhaqan degmadaasi.
Ciidamada Jabuuti ayaa ruuxaasi shacabka ah ku dilay Feer iyo Laad iyagoona kuwaday ilaa uu ka dhinta’waxeyna dilkaasi naxdinta leh ka geysteen dhanka Galbeed ee degmada Jalalaqsi ee bartamaha dalka Somaliya.
Ruuxa ay dileen ciidamada Jabuuti ayaa ka mid ahaa dad ugaarsata ah oo sagaarada iyo ugaarta kale ka ugaarsanayay howdka degmada Jalalaqsi’iyadoona arintaan ay si aad ah kaga caroodeen dadka shacabka ee ku dhaqan degmadaasi.
Dhowr jeer oo hore waxey ciidamada Jabuuti dilal bareer ah iyo xasuuqyo kula dhaqaaqeen dadka shacabka ah ee ku kala dhaqan degmooyinka Jalalaqsi’Buulo burte iyo Beledweyne oo ka wada tirsan gobalka Hiiraan.
Calamada.com
About The Author
