Dab xooggan ayaa gelinkii dambe ee shalay ka kacay guri uu magaalada Muqdisho ka deganyahay mid kamida xubnaha mucaaradka ah ee sida aadka ah ugasoo horjeedo xukunka Xasan Gurguurte madaxa kooxda Riddada Soomaaliya.
Wararka ka imaanaya degmada Howlwadaag ayaa sheegay in uu dab qabsaday keydadkii hubka nin lagu magacaabo Jacfar oo kamid ah golaha dawaaqiidda kooxda Riddada Soomaaliya, dabkan oo aan la ogeyn waxa sababay ayaa si gaar ah uga kacay qeybta keydka Rasaasta.
Dadka deegaanka ayaa sheegay in ay maqleen qaraxyo isdaba joog ah kuwaas oo ka dhashay sanaadiiq rasaas ah oo uu dabku qabsaday, ilo wareedyo ayaa sheegaya in uu jiro shaki ah in kooxda Riddada ay dab ku qabatay guriga Xildhibaan Jacfar.
Guriga gubtay waxaa horraantii bishan ka dhacay iska hor’imaadyo culus kadib markii ay ciidamada Xasan Gurguurte weerar culus ku qaadeen Xasan Cali Kheyre oo xilligaas ku sugnaa hoyga Maxamed Jacfar oo ah xildhibaan katirsan golaha dawaaqiidda.
Wararkii ugu dambeeyay ayaa sheegaya in ay basbeeleen keydadkii rasaasta hubka fudud iyo xabadaha RPG-ga halkaas ku keydsanaayeen.
Kooxda Riddada Soomaaliya ayaa isbuucyadii lasoo dhaafay ku goodinaysay in ay hub ka dhigis ku sameynayso saraakiisha looga shakisanyahay in ay mucaaradka gacansaar laleeyihiin.
About The Author
