Wararka ka imaanaya waddanka Kenya, ayaa sheegaya in dab xooggan uu ka kacay dhismeyaal kuyaal xaafadda Mlango Kubwa ee deegaanka Mathare ee ismaamulka Nairobi.
Debka ayaa lasoo wariyay in uu saaka qabsaday dhismeyaal iyo guryo dhowr ah oo kuyaal deegaanka Mathare, waxaana uu si fudud ugu sii faafay dhowr dhisme oo kale sida ay soo sheegeen ilo wareedyo maxalli ah.
Dadka deegaanka, ayaa soo sheegay in dabka uu gaystay khasaare baaxad leh, uuna burburiyay dhismeyaal dhowr ah, gurmadka ayay sheegeen in uu soo dib dhacay, taasina ay keentay in uu dabku khasaare culus gaysto.
Inkastoo aan khasaare nafeed lasoo werin, haddana waxay dadka deegaanku sheegeen inay ka cabsi qabaan in uu dabka ku nafwaayay ilmo yar, ilaa hada si rasmi ah loo ogo sababta keentay debka, wallow wararka qaar ee la helayo ay sheegayaan in dabka uu ka dhashay cillado koronto.
Intii uu dabku socda waxaa hakad galay isku socodka dadka iyo gaadiidka ee xaafado muhiim ah sida lasoo warinayo, waxaana ka mid ah goobaha uu isku socodkoodu xirmay waddooyinka xaafadaha kala ah Juja, Huruma iyo Islii.
About The Author
