Munaasabad Balaaran oo ay kasoo qeybgaleen Mas’uuliyiin katirsan xarakada Shabaabul Mujaahidiin.Waalidiin iyo Arday ayaa lagu qabtay degmada Janaale oo katirsan Gobalka Shabeelaha Hoose.
Wilaayada shabeelaha Hoose ayaa Munaasabada kaga dhawaaqday in isbadal lagu sameeyay manaahijta waxbarasho iskuulada Nidaamiga ah ee ku yaala Magaalada Janaale.
Janaale oo ku caan baxday xasuuqii loo gaystay askarta Ugandha ayaa nasiib uyeelatay inay noqoto degmadii ugu horeysay Gobalka ee laga hirgaliyo manhaj waxbarasho oo dugsiga Hoose ah oo ay diyaarisay Xarakada Shabaabul Mujaahidiin kaasi oo wax looga barto wilaayaadka Soomaaliya.
Manjahkaan Ayaa ku baxaya Luqada Diinta ee Carabiga.
Sheekh Abuu Usaama oo ah Waaliga Shabeelaha Hoose oo kalimad ka jeediyay Xaflada ayaa Bulshada Janaale ku dhiiragaliyay inay waxbartaan oo ay ka faa’ideystaan Manhajkaan iyagoo isla qaadaya Qalinka iyo Qoriga.
Halkan Ka Dhageyso Kalimada Abuu Usaama
Manhajkaan diyaarsan ee dugsiga Hoose ayaa lagu heli karaa sanadkii dhan lacag dhan 10 doolar oo ka duwan tan wax looga barto iskuulada kale sida uu sheegay waaliga.
Xarakada Shabaabul Mujaahidiin oo dhan dagaal kula jirta shisheeyaha kana difaacaysa dalkaan ayaa dhan kale Bulshada Ka Hormarisay Adeegyada Waxbarashada,Caafimaadka  iyo ugurmashada dadka abaaruhu saameeyeen.
Waalidiinta ku dhaqan Janaale ayaa soo dhaweeyay Manhajkaan Cusub ee wax lagu barayo ubadkooda.
Halkan Ka Dhageyso Mid kamid ah Waalidiinta
About The Author
