Afar iyo Labaatankii saac ee u dambeysay waxey Roobab si weyn loogu diirsaday ka da,een degmooyin iyo deegaano ka tirsan gobalada Mudug iyo Galgaduud oo dhaca bartamaha Somalia.
Dhanka gobalka Mudug waxey roobabkan ka da,een magaalooyin ay ka midyihiin Xarardheere,Jowle iyo Gaalkacyo sidoo kale waxey roobabkan ka da,een deegaano badan oo ka tirsan gobalkaasi.
Dhanka Galgaduud waxey roobab xoogan ka da,een magaalooyin iyo deegaano dhowr ah oo ka tirsan gobalkaasi kuwaasi oo si aad ah ay ugu diirsadeen dadka iyo duunyada.
Degmada Galhareeri waxaa ka da,ay roob xoogan oo socday muddo Shan Saac oo xiriir ah waxa uu roobkan biyo dhigay iyo wadooyinka degmadaasi.
Sidoo kale deegaano dhaca inta u dhaxeysa degmooyinka Ceelbuur iyo Ceelgaras ayeey roobabku ka da,een,sidoo kale deegaanada Caga Cadde,Garba weyn,Tuulo Xaaji, Guuriceel,Dhuusamareeb iyo deegaano iyo degmooyin kale oo ka tirsan gobalka Galgaduud ayeey Roobabka xilliga Deyrta si weyn uga da,een.
Halkan Ka Dhageyso Wareysiyada Roobabka Mudug iyo Galgaduud.
Calamada.com
About The Author
