Bannaanbaxyadan waxay shalay ka dhaceen magaalada Axum ee ka tirsan ismaamulka Tigray, halkaas oo ay isugu soo baxeen ardayda muslimaadka ah ee wax ka dhigta madaarista kuyaal magaaladaasi.
Ardayda ayaa iyaga oo ka caraysan amarka loogu diiday xijaabka waxay isku soo baxyo ka sameeyeen magaalada Axum, waxaanay sheegeen in lagu amray oo loo diiday inaysan xijaabka ku iman karin goobaha waxbarashada, taasi oo ay ku tilmaameen xadgudub iyo faquuq ka dhan ah haweenka muslimaadka.
Ardayda isku soo baxyada sameeyay waxaa xitaa loo diiday inay warbaahinta si toos ah ula hadlaan, mid ka mida gabdhaha muslimaadka oo si hoose ula hadashay Addis Standard, ayaa sheegtay in maamullada iskuulladu bilaabeen muddo hadda laga joogo laba toddobaad in ardayda muslimaadka ah laga mamnuuco xirashada xijaabka.
“Iskuulladu waxay diidayaan xuquuqdeena waxbarasho, sababtoo ah waxaan xiranaa xijaabka, kaas oo ay ina farayso diinteena, Xitaa waxa aan codsanay inaan xiranno xijaab u dhigma midabka Unifoomka, laakiin way inaga diideen inay sidoo kale ogolaadaan.”, waxaa sidaas Addis u sheegtay mid ka mid ah gabdhaha muslimaadka ah.
Madaxa xafiiska arimaha Islaamka ee mandiqadda Dhexe, Getu Kassay, ayaa sheegay in xafiiskiisu isku dayay xallinta go’aankaan ka dhanka ah gabdhaha muslimaadka ah, wuxuu sheegay in qorshuhu uu soo billowday laba bilood ka hor, balse ay kolkaas xalliyeen, kaddib markii ay fariin u direen xafiiska kale ee waxbarashada, 2 toddobaad ka horna markale ka war heleen in gabdhaha loo diiday xirashada xijaabka.
10kii Oktoobar, 2024, ayay ahayd markii xafiiskan uu soo saaray warqad uu maamullada dugsiyada ugu boorinayo inay ixtiraamaan xuquuqda gabdhaha muslimaadka ah, isagoo intaas ku daray in xirashada xijaabka tahay waajib diini ah, waxay sidoo kale sheegeen in mamnuuciddan ay saameynayso ilaa afar dugsi sare, kuwaas oo kala ah Woree, Kindeya, Adebabay, iyo sidoo kale Messenado iyo ku dhawaad 140 arday, oo ay ku jiraan ardayda fasalka 12-aad, kuwaas ooh adda loo diiday in ay galaan imtixaanada.
About The Author
