Isku soo bax ballaaran oo maanta ka dhacay degmada Caabudwaaq ee gobolka Galgaduud, ayay bulshada magaalada iyo maleeshiyo aad u hubeysan ku diideen doorashada uu wato murtad Xasan Gurguurte.
Dibadbaxayaasha oo soo bandhigay hub iyo gaadiid dagaal oo ay ku rakibanyihiin qoryaha culus, ayaa si adag u diiday doorashada uu wato Gurguurte, waxay sidoo kale diideen doorashada uu Xasan sheikh Maxamuud ka wado deegaannada uu ka arrimiyo maamulka Galmudug.
Mid ka mid ah saraakiisha maleeshiyaadka qaybta ka ahaa dibadbaxa ka dhacay degmada Caabudwaaq, ayaa sheegay in aysan oggolayn nooca doorasho ee Xasan sheikh, wuxuu ku goodiyay haddii doorashada lala soo aado ay dagaal kaga hortagi doonaan.
Doorashada uu wato Gurguurte ayaa la kulmeysa diidamo xooggan, waxaa horay u diiday, diidana siyaasiyiinta mucaaradka iyo maamullada Jubbaland iyo Puntland iyo maamulka Koonfur-galbeed, wallow maamulkii Laftagareen ay kooxda Riddadu u adeegsatay awood ciidan meeshana ka saartay.
About The Author
