Waxa loogu yeero beesha caalamka ayaa cadaadis xooggan ku saaraya kooxda Riddada iyo kooxaha mucaaradka ah in ay si da ugu dhaqsiyaha badan ku joojiyaan dagaallada Muqdisho.
Dowladaha Mareykanka iyo Ingiriiska oo bayaanno soo saaray ayaa muujiyay sida ay uga walaacsanyihiin dagaallada dib ugasoo cusboonaaday xaafado katirsan gobolka Banaadir.
Mareykanka ayaa qoraalka uu soo saaray goodis adag ugu jeediyay xukuumadda Xasan Sheekh isagoo ugu hanjabay in saacadaha iyo maalmaha soo socda uu qaadan doono go’aamo saameyn ku yeelan doona arrimaha amniga.
Maanta gelinkii dambe ayay mas’uuliyiin katirsan wasaaradda arrimaha dibadda xukuumadda Washington xiriir lasoo sameeyeen mucaaradka iyo Xasan Gurguurte, waxayna markale ku amreen in ay xabadda joojiyaan.
Digniinahan ka imaanaya dowladaha reergalbeedka ayay durbadiiba kooxda Xasan Gurguurte dhab uqaadatay iyadoona ciidamadeeda ka qaadday qaar kamid ah furimihii dagaalka ee laysku hor fadhiyay.
About The Author
