Xalay maqribkii diyaaradaha aan duuliyaha laheyn ee Dorone-ka dowladda Maraykanka ayaa duqeyn ugaysatay xarun Idaacada islaamiga ah ee Alfurqaan ay ku leedahay Gobalka shabeelaha Hoose.
Afar gantaal ayaa ku dhacay gudaha xarunta idaacada ee deegaanka Kuunyo Barrow Gobalka shabeelaha Hoose.
Allaah mahadii Shaqaalaha idaacada ayaa ka badbaaday duqeynta hasa yeeshee waxay waxyeello kasoo gaartay qaar kamid ah shacabka ku nool deegaanka Kuunyo Barrow.
Qeyb kamid ah dhismaaha xarunta idaacada iyo qalabka ay ku howlgalaysay ayaa ku burburay duqeymaha Maraykanka.
Idaacada Alfurqaan ayaa la aas’aasay sanadkii 2009-kii waana idaacad islaami ah oo aanan ku hadlin afka urur iyadoo u quntay sidii ay u dabooli lahayd baahida umadu u qabaan barashada diinta islaamka.
Waa idaacad si dhexdhexaad ah usoo tabisa wararka la xeriira Soomaaliya iyo dhacdooyinka dibada iyadoo waraysata Siyaasiyiin,Aqoonyahanno iyo qeybaha kale ee Bulshada.
Idaacada oo dhisan in ka badan 10 sanno ayaa sidoo kale baahisa kutubo iyo duruus diini ah oo ay ka faa’ideysteen bulshada ku nool goobaha ay ka howlgasho idaacada.
Weli dowladda Maraykanka kama aysan hadlin duqeynta maanta galinkii danbe ugaysteen xaruntii idaacada ee deegaanka Kuunyo barrow gobalka shabeelaha hoose.
Xigasho: Radio Alfurqaan
About The Author
