Maalintii labaad oo xiriir ah waxaa xirnaa inta badan goobaha ganacsiga ee magaalada Boosaaso, iyadoo maanta sidoo kale la diiwaan-geliyay goobo ganacsi oo kuyaal magaalada Garoowe oo u xirmay lacagaha lagu kordhiyay badeecadaha kasoo dega dekadda Boosaaso.
Xirnaanshaha ganacsiga magaalooyinka waawayn ee uu ka arrimiyo maamulka ashahaad la dirirka ah ee Puntland, ayaa yimid markii lacago aad u badan la dul-saaray badeecadaha iyo agabyada kale ee kasoo dega dekadda Boosaaso.
Waxay tani keentay culays ku yimid ganacsatada, waxaana maalintii labaad oo xiriir ah haawanayay inta badan ganacsiyada magaalooyinka Boosaaso iyo Garoowe.
Ganacsatadu waxay sheegeen in go’aanka maamulka Riddada Puntland uu ku kordhisay lacagaha baadda ah ee dekadda magaalada Boosaaso ay qayb ka tahay shirkadda DP-WORLD oo ah tan maamusha dekaddaasi.
Xogo cusub oo la helay, ayaa muujinaya in markabka sida culeys dhan 9,500 oo Tan laga qaado lacag gaaraysa 102,840 Doollar, halka markii hore lasoo wariyay in laga qaadi jiray 20,475 Doollar, taa oo ka dhigan koror boqolkiiba 402.27 ah.
Shirkadda DP-world, ayaa lagu eedeeyay inay dhankeeda qaadanayso lacago u gaar ah, waxayna ganacsatadu sheegeen in shirkaddan dalka Imaaraadka laga leeyahay ay curyaamisay dhaqaalaha magaalooyinka Puntland.
Maciishadda ayaa qaali garowday, raashiinka iyo adeegyada daruuriga ahna kor ayay u kaceen sida dadk deegaanku sheegayaan, dekadda Boosaaaso ayaana xiran maalintii 12-aad oo xiriir ah.
About The Author
