Warar kala duwan ayaa kasoo baxaya duqaymo habeenkii xalay diyaaradaha dagaalka maamulka gumeystaha Yahuuddu ka gaysteen magaalooyin kuyaal dalka Iiraan oo ay ka mid tahay magaalo madaxda dalkaasi ee Tehran, weerarkaas oo maamulka Yahuuddu ku sheegay in uu jawaab celin u ahaa weerarkii Iiraan ee lagu beegsaday Tal’abiib.
War ka soo baxay ciidanka shiicada Iiran, ayaa lagu sheegay in laba xubnood oo ka mida ciidanka Ilaalada Kacaanka Iiran lagu dilay weerarkii Yahuuddu ku qaadeen xarumaha militariga, si rasmi ah looma sheegin sababta keentay geerida askartaasi, walow warsaxaafadeedka lagu sheegay inay dhinteen intii uu ka hortagga socday.
Wargeyska Wall Street Journal ee laga leeyahay Maraykanka ayaa sheegay in dhowr dal oo Carab iyo Yurub ah ay dowladda Iiraan siyeen digniin ku saabsan weerarkan lagu tilmaamay in uu ahaa mid daciif ah ka hor inta uusan dhicin, maamulka gumeystahana ay uga digeen in uu weeraro ka gaysto xarumaha Nugliyeerka iyo shidaalka.
Shabakadda Axios waxay dhankeeda sheegtay in maamulka gumeystaha uu Iiraan la wadaagay isaga oo adeegsanaya dal saddexaad xogta weerarka iyo sidoo kale goobaha ay beegsan doonaan, maamulka gumeystaha ayaa sidoo kale dowladda Iiraan u sheegay inaysan bixin wax jawaab celin ah.
Weerarkii xalay Yahuuddu ka gaysatay Tehraan iyo mandiqadaha kale ayaa lagu tilmaamay in uu ahaa mid daciif ah oo dhinacyadu ay isla ogaayeen, qaybna ka yahay weerarada masraxiyadda ah ee ay jilayaan labadan maamul.
About The Author
