Dowladda Saliibiyadda Ingiriiska, gaar ahaan Waaxda Arrimaha Dibadda, ayaa muwaadiniinteeda mar kale uga digtay safarrada ay ku tagayaan inta badan gobollada Soomaaliya.
Wasaaradda Arrimaha Dibadda ee Ingiriisku waxay si cad u sheegtay inay ka digeyso dhammaan safarrada loo aado Soomaaliya, oo ay ku jiraan ayay tiri gobollada bari ee Somaliland sida Togdheer, Sanaag iyo Sool.
Waxay ku talisay wasaaraddu in laga fogaado u-safridda dhammaan goobahaasi, marka laga reebo ayay tiri gobollada galbeed ee Somaliland, sida Awdal, Maroodi-jeex iyo Saaxil oo ay ku jiraan magaalooyinka Boorama, Hargeysa iyo Berbera, kuwaas oo ay xustay in lagu tagi karo oo kaliya safarrada daruuriga ah.
Digniintan oo soo baxday saacadihii lasoo dhaafay ayay dowladda Ingiriisku sheegtay inay salka ku hayso koror ku yimid dagaallada ay mujaahidiinta Al-Shabaab ka wadaan gudaha Soomaaliya, gaar ahaan agagaarka caasimadda Muqdisho.
Waxa kale oo wasaaradda khaarajiga Ingiriisku ugu baaqday muwaadiniinteeda ku sugan waqooyiga Soomaaliya inay feejignaadaan inta lagu jiro bannaanbaxyo lagu xusayo 18-ka May, oo ah maalintii uu maamulka gaallo-raaca Somaliland ku dhawaaqay inuu ka goostay Soomaaliya inteeda kale.
Ingiriisku wuxuu si cad u muujiyey in gudaha Soomaaliya aanu ka fulin karin hawl-gallo badbaadin ah, sidaas darteed wuxuu muwaadiniintiisa ku sugan Soomaaliya ku boorriyey inay si deg-deg ah u samaystaan qorsheyaal u gaar ah oo aanay isku hallayn dowladda UK.
Qaylo-dhaantan kasoo yeertay dowladda saliibiyadda Ingiriiska ayaa imanaysa xilli uu fashilmay duullaanka saliibiga ah ee lagu soo qaaday Soomaaliya, isla markaana Geesiyada Tawxiidku ay dhul aad u ballaaran oo ay ka xoreeyeen cadawga kusoo dabbaaleen ku dhaqanka shareecada Islaamka.
About The Author
