Degmada Waaberi ee gobolka Banaadir, waxay maanta marti-gelisay isku dhacyo u dhaxeeyay shacab careysan iyo maleeshiyaad aad u hubeysan oo ka tirsan kooxda Riddada Soomaaliya.
Iska hor’imaadka, ayaa yimid markii shacabka ku dhaqan degmadaasi ay sameeyeen isku soo bax ka dhan ah dhul-boob kooxda Riddada ka waday xaafadda Buulo-Eelaay, halkaas oo dadka lagu amray inay ka guuraan.
Dadka shacacabka ah oo ka careysan amarka looga rarayo guryahooda, ayaa si adag ug dhiidhiyay, waxayna isku soo bax ballaaran ka sameeyeen aagga uu ka socday dhul-boobka.
Kooxda Riddada Soomaaliya, ayaa maleeshiyo aad u badan kusoo daadisay xaafadda Buulo-Eelay ee degmada Waaberi, waxay maleeshiyadaasi rassaas la dhaceen shacabka careysan, si ay u hakiyaan isku soo baxa ka dhanka ah dhul-boobka.
Shacabka careysan ayaa iyagana adeegsanayay dhagxaan si ay u joojiyaan rassaasta nool ee ay adeegsanayeen maleeshiyada Riddada, dhowr qof ayaa lasoo wariyay inay ku dhaawacmeen rasaasta tooska ah ee ay furayeen maleeshiyada kooxda Riddada, waxaana dadka dhaawacmay ka mid ah ilmo yar.
Dadka dhulalkooda la boobayo oo warbaahinta la hadlay ayaa sheegay inay ku waabariisteen maleeshiyo la dul-dhigay, rassaas dhaceysa iyo dhul-boob iyaga ka dhan ah.
Mid ka mid ah dadka warbaahinta la hadlay, ayaa sheegtay in hooyo waayeel ay maleeshiyada Riddadu ka dhaawaceen lug iyo gacan, halka ay kaxaysteen wiilal ku sugnaa goobta.
Arintan ayaa kusoo beegmaysa xilli kooxda Riddadu si xowli ah ku waddo dhul-boobka ay ka waddo caasimadda, xaafadda Buulo-Eelay ee ay maanta maleeshiyada Riddadu weerareen si ay u dumiyeen guryaha shacabka ayaa ka mid ah goobaha qadiimiga ah.
About The Author
