Dowladda saliibiga ah ee Itoobiya ayaa ku dhawaaqday qorshe ay ku raadineyso in ay kula wareegto marin-biyoodka Baabul Mandeb oo ah mid ka mid ah marin-biyoodka ugu muhiimsan ee isku xira Badda Cas iyo Gacanka Cadmeed.
Warbaahinta ku hadasha afka xabashida Itoobiya ayaa xaqiijisay in dowladda oo kaashaneyso dawladaha reer yurub sida Faransiiska si ay u hesho taageero caalami ah oo ku aaddan damaceeda marin-biyoodkan muhiimka ah. Qorshahan ayay itoobiya u sheegtay wadamada reer galbeekda ah in ujeedkiisu yahay in lagu fududeeyo ganacsiga caalamiga ah iyo in la xoojiyo ammaanka badda cas.
Qorshahan ayaa yimid iyadoo Itoobiya ay si xooggan u raadineyso marin badda Cas. Dalka Itoobiya oo aan lahayn badd u gaar ah ayaa muddo dheer ku tiirsanaa dekedaha waddamada jabuuti iyo soomaaliya. Hadda waxay sidoo kale u jeesatay dhanka Somaliland oo ay ka wado qorshe ay ku doonayso inay deked iyo saldhig ciidan ka sameysato Badda Cas.
Baabul Mandab ayaa ah marin istiraatiiji ah oo muhiim u ah ganacsiga caalamiga ah, gaar ahaan xamuulka shidaalka iyo badeecooyinka kale ee mara. Sannad kasta malaayiin tan oo badeeco ah ayaa ka gudba marin-biyoodkan, taas oo ka dhigaysa mid muhiim u ah dhaqdhaqaaqa ganacsiga caalamiga ah.
Itoobiya waxay ku doodeysaa in la wareegidda marin-biyoodkan ay ka caawin doonto sidii ay door muhiim ah ugu yeelan lahayd ganacsiga gobolka, iyada oo sidoo kale gacan ka geysanaysa xasilinta xaaladda ammaanka ee gobolka.
Qorshahan ay itoobiya dooneyso inay kula wareegto maamulka Baabul Mandab ayaa la rumeysan yahay in uu si adag uga careeysiin doono dalka Masar, oo si adag uga soo horjeeda inay Itoobiya saameyn ku yeelato Badda Cas. Masar ayaa u aragta damaca Itoobiya mid halis ku ah danaha istiraatiijiga ah ee gobolka iyo saameynta ay ku leedahay marin-biyoodka muhiimka ah ee Badda Cas. Sidoo kale, dalal kale oo ka tirsan gobolka ayaa ka walaacsan in Itoobiya ay awood dheeraad ah ku yeelato Badda Cas.
Ra’iisul wasaaraha dowladda Itoobiya ayaa khudbado dhowr ah oo uu ujeediyay baarlamaanka waddankiisa wuxuu ku sheegay in ay ka go’antahay gaarista biyaha badda Cas, Itoobiya ayaa sanadka hor maamulka Somaliland lagashay heshiis ay ku boobayso badda soomaaliya balse 11 bilood kadib markii uu heshiiskaas meelmar unoqon waayay ayay dowladda Turkiga kala kaashatay sidii Xasan Gurguurte uu ugu saxiixi lahaa qaadashada badda Soomaaliya.
About The Author
