Inta la hubiyay ugu yaraan 8 qof ayaa dhintay, halka 3 xubnood oo kalena dhaawacyo soo gaareen, ka dib shil baabuur oo ka dhacay waddo gaadiidku ku badan yihiin oo kutaal ismaamulka Kirinyaga ee dalka Kenya.
Warbaahinta maxalliga Kenya oo dhacdadan soo tebisay waxay sheegtay in shilku si gaar ah uga dhacay waddada isku xirta Mwea iyo Embu oo kutaal deegaanka Murubara.
Stephen Okal, oo ah Taliyaha Booliiska ee degmada Mwea, ayaa sheegay in shilka uu yimid markii gaari nooca xamuulka qaada ee alaabaha lagu raro uu ku dhacay gaari kale.
Ilo wareedyo, ayaa sheegay in shilka ku dhinteen ilaa shan qof oo saarnaa gaariga xamuulka, laba qof oo kale oo lugaynayay waddada hareeraheeda, iyo hal qof oo saarnaa gaariga kale.
Kenya, waxay ka mid tahay waddamada dhaca Africa ee ay ku badan yihiin shilalka gaadiidka iyo kuwa diyaaradaha ee ay dadka badan ku dhamaadaan.
About The Author
