Siyaasiyiinta mucaaradka Riddada iyo maamullada ashahaado-la-dirirka Puntland iyo Jubbaland, ayaa qorsheeyey in dhawaan ay isugu yimaaddaan shir weyne ka dhan ah Murtad Gurguurte iyo Kooxdiisa, sida uu warbaahinta u xaqiijiyey CabdiRashiid Xiddig oo xubin ka ah baarlamaanka dawaaqiidda ee Kooxda Riddada Soomaaliya.
Waxa uu murtadkani shaaciyey, in shirkani uu daaran yahay sidii dadka iyo dalkaba looga badbaadin lahaa Kooxda Villa Somaliya, oo uu sheegay in dadka iyo dalkaba ay khatar geliyeen, kadib markii ay u xuub-siibteen boobka, barakicinta iyo burburinta hantida Soomaaliyeed, taas oo uu sheegay in meeshii ugu xumayd ay marayso.
Xiddig ayaa shaaciyey in haatan ay socoto gorfayn ku saabsan goorta iyo goobta lagu qabanayo shirkan oo qabsoomiddiisa uu rajo fiican ka muujiyey. Isagoo ka dhawaajiyey in ay filayaan in lagu guulaysan doono sidii kooxdan hororka ah ee Xasan Gurguurte uu hoggaamiyo looga samatabixin lahaa dalka Soomaaliya.
C/Rashiid Xiddig waxa uu geesta kalena rajo-xumo iyo walaac fara badan ka muujiyey guud ahaan masiirka Kooxda Riddada Soomaaliya, waxaanu ka sanqariyey in haddii doorkan uu burbur ku yimaaddo Ridda Soomaaliya ay adag tahay sidii mar dambe la isugu soo laaban lahaa.
Hadalka kasoo yeeray murtadkan, ayaa imanaya iyadoo maalmo ka hor labada maamul ee Puntland iyo Jubbaland ay si diirran usoo dhaweeyeen shir weyne ka dhan ah Gurguurte iyo kooxdiisa oo ay ku baaqeen siyaasiyiinta mucaaradka ee ku midaysan waxa loogu yeero “Madasha Samatabixinta”.
About The Author
