Wararka ka imaanaya magaalada Garoowe ee xarunta gobolka Nugaal, ayaa warinaya in maleeshiyaad hubeysan oo ka tirsan maamulka ashahaada la dirrika Puntland ay magaaladaasi ku dileen gabar yar oo ka mid ahayd bulshada ku dhaqan magaaladaasi.
Ilo wareedyo ku sugan Garoowe, ayaa xaqiijiyay in gabadha la dilay oo lagu magacaabi jiray Ubax Yaasiin Cali, uu si bareer ah u dilay askari ka tirsan maamulka Riddada Puntland, gabadha la dilay ayaa ka mid ahayd ardayda wax ka dhigta mid ka mid ah jaamacadaha kuyaal garoowe, xilliga uu dilku dhacayay waxaa goobta ku sugnaa saddex askari kuwaas oo goobta isaga baxsaday dilka kaddib, ilo ku sugan magaalada ayaana xaqiijiyay in xabaddu kaga dhacday madaxa.
Falkan dilka ah ee ay gaysteen maleeshiyaadka maamulka ashahaada la dirirka ah ee fadhigiisu yahay Garoowe, ayaa si gaar ah uga dhacayxaafadda Hodan gaar ahaan nawaaxiga jaamacadda Boosaaso, waana qayb ka mid ah dilalka bareerka ah ee ay gaystaan maleeshiyaadka maamulkaasi.
18-kii bishan ayay ahayd markii maleeshiyaad ka tirsan maamulka isku magacaabay Puntland ay weerar ku qaadeen xero barakac oo kutaal magaalada Garoowe, halkaas oo ay kufsi iyo jirdil xooggan ugu gaysteen gabar yar oo ka mid ahayd dan yarta ku dhaqan kaamamka magaaladaasi.
About The Author
