Dagaallo xooggan oo u dhaxeeyay maleeshiyaadka kooxda Riddada Soomaaliya iyo kuwa maamul goboleedka ashahaada la dirirka ah ee Jubbaland ayaa maanta ka qarxay deegaan ka tirsan gobolka Jubbada hoose, halkaas oo toddobaadyadii u dambeeyay ay ka socdeen diyaar garow dagaal oo labada dhinac ay ku jireen.
Aroornimadii hore ee saaka ayay dagaallo culus ka qarxeen deegaanno hoostaga magaalada Raas-kambooni ee gobolka Jubbada hoose, dagaallada oo ahaa kuwa culus ayaa lasoo wariyay in dhowr jeer la isku noq_noqday, khasaare kala duwan ayaana jira sida lasoo sheegayo.
Labada dhinac ee dagaallamay waa maamullada Riddada Kismaayo iyo Muqdisho oo hadlay wuxuu mid kastaa sheegay in lasoo weeraray maleeshiyadiisa, guulo ayayna kala sheegteen mana jirto xog ka baxsan sheegashooyinka oo xaqiijinaysa cidda looga itaal roonaaday dagaalka.
Maamulka murtad Axmed Madoobe ayaa sheegay inay qabteen maleeshiyo ka tirsan kuwa Riddada ee Xasan Sheikh kasoo dagaal geliyay Raaskambooni, dagaalladii maanta ka dhacay duleedka Raas-kambooni waxaa lasoo wariyay inay ka dhasheen khasaare kala duwan oo dhimasho iyo dhaawacba leh, inkastoo isgaarsiinta oo aaggaas ka go’an ay adkeynayso in la helo warar sugan.
Maleeshiyaadka Xasan Gurguurte iyo kuwa Axmed Madoobe ayaa maalmihii u dambeeyay isku hor fadhiyay duleedka Raaskambooni, xiisaddan colaadeed oo kasoo billaabatay doorashooyinka, ayaa haatan maraysa gacan ka hadal iyo in labada dhinac ay isu adeegsadaan maleeshiyada daacadda u ah.
About The Author
